Tuesday, September 16, 2008

ظلت حبيبتي


قد كان يوم ممطرا قد كان يوما مشمسا
قد كان يوما حائرا قد كان يوما بائسا
كان النسيم يهب ريحا يائسا
فجلست وحدي في ممر مظلم
كي أستعيد ذكري جرح مؤلم
لما رأيت الجرح صارت دمعتي
بحرا غزيرا....
فبدأت أول رحلتي
فجأة التقيت النور يكسر ظلمتي
وأما نظرت .....
رأيت وجه حبيبتي
وطلبت منها أن تبقي معي
كي تطمئن دموعي وترجع قوتي
لكنها رحلت .....
تركتني وحدي ....
كي أعيش في غربتي
كي أستعيد الجرح يؤلم وحدتي
فرجعت وحدي خائبا من رحلتي
لكنها ظلت في عيني حبيبتي


شعر: علي التهامي

أصعب جرح


أصعب جرح يموت قلبي
لما حبيبتي أشوفها بتبكي
جرح يخلي الدنيا ظلام
جرح يضيع أي كلام
دمعة بتنزل تجرح فيا
لو حسيت الذنب عليا
يوم ما بتبكي بحس بخوف
خوف بيخلي الأعمي يشوف
دمع عيونك غالي عليا
خلي دموعك تهدي شوية
كل ما أشوفها بلاقي ضياع
ورغم الحب بحسه وداع
وأحس بشوقي وخوفي عليكي
وأرجع أحس في قلبي صراع
خدك شايل هم تقيل
ليه بتسيبي الدمع يسيل
يوم ما تحسي بضعف قوليلي
وأنا ههديلك قمري وليلي
فوقي ومن أحزانك قومي
خلي همومك تبقي همومي
لازم ترمي الدنيا وراكي
روحي وقلبي وعمري فداكي
عيشي بقلبك بين أحضاني
وأملي بحبك كل كياني


شعر: علي التهامي

Saturday, January 26, 2008

ماتخافيش


ماتخافيش ...
مش هقول اللي مابينا حكايته ايه
ماتخافيش مش هقول ازاي وليه
أنا هجرحة لو قلتله كان بينا ايه
إجرحيه إنتي بخداعك إجرحيه

لما تشوفيه قوليله كان إعجاب بسيط
وأنك حياتي وكل عمري وروحي فيك
إوعي تقوليله إن أنتي كنتي
أحلي حلم بعيش عليه
وإنك كياني وحلم عمري
وأغلي حب أنا دوبت فيه

اخدعيه زي ماكنتي بتخدعيني
حبه ليكي شئ حزين شايفه بعيني
ازاي قدرتي يهون عليكي
ازاي عرفتي تجرحيه
مانتي صحيح قلبك أناني
وأي حد بتخدعيه

هييجي تاني بعد منه
ويبقا في نفس المكان
ويلاقي قلبك راح لغيره
وقلبه ضاع منه الحنان
شعر: علي التهامي

Monday, February 12, 2007

مفيش حاجة


مبقاش فاضل خلاص حاجة
مانتي خلاص مش محتاجة
ولا شوق ولا حب
ولا يملا عنيكي ميت حاجة
خوفي انشغالي
سهر الليالي
مابقاش فاضل منهم حاجة
مانتي خلاص مش محتاجة
في ناس حبت عشان حاجة
وناس بعدت عشان حاجة
وناس بتضيع
ولا بيحصلهم حاجة
انا جوايا ميت حاجة
ولو عايز اقول حاجة
ماخلتليش ولا حاجة
قلبي واهو مات
عمري واهو فات
حتي دموعي بتقولي حاجات
مش فاكر منهم ولا حاجة !!!
انتو بتقولو في حاجة ؟
لا والله مافيش حاجة !
شعر: علي التهامي

Friday, February 9, 2007

الدنيا وحوش


الدنيا وحوش بتدوس

طب نعمل ايه

عايشين في كابوس

وحاولنا نفوق

ونقوم ونحس

وحاولنا نقاوم من غير حس

بس لاقينا كله علي فشوش

طب نعمل ايه والدنيا وحوش

وصحينا وقلنا نشد القوة

ماهي عايزة شجاعة وعايزة مروة

وحاولنا نقاوم مش قادرين

عايزانا علي طول نفضل نايمين

نايمين في كابوس

ونبيع ارواحنا رخيص بقروش

وهنعمل ايه

ما الدنيا وحوش
شعر: علي التهامي

ظلمت نفسك


انت اللي ظلمت نفسك
وجاي بتلوم عليا
ازاي بتقولي بعتك
وانت اغلي ما ليا

مانا كنت زمان شاريك
قلبي كان بيناديك
وازاي كل اللي بينا
بسهوله يهون عليك

روح وانسي حبيبي قلبي
وانسي كل اللي فات
مش هندم يوم عليك
ولا ع الحب اللي مات

وافتكرك تاني ليه
عملت عشاني ايه
شيلتك علي طول في قلبي
وانت اللي جنيت عليه